1395. März 24. Czarnowanz

In Nomine Domini Amen. Sub Anno Nativitatis eiusdem millesimo cccmo Nonagesimo quinto, Indiccione tercia, mensis Marcii vicesima quarta, hora nona vel quasi, pontificatus sanctissimi in Cristo patris et domini nostri domini Bonifacii pape Noni Anno creacionis sue Sexto, In Stuba virginum communi Monasterii Czarnowans In mei notarii publici et testium subscriptorum presencia Religiosus frater et dominus Nicolaus de Gane plebanus in Aptaw procurator et provisor Sanctimonialium Domusdei predicti personaliter constitutus Religiosis ac honorandis Sanctimonialibus Domusdei, Phylomene priorisse, Dorothee subpriorisse, Boguslawa Custrici, Ofcze Scaliczanka, Anne Cantrici, Clare Celerarie, Girtrudi Circatrici, Elscze Lestobcza, Elysabeth Grabmanka, Nete Swirczowna, Angnethi Vincencii, Margarethe Stescobna, Sbronoslawa Succentrici, Anne Korsequicza, Barbare Beczschonis, Ofcze Peschonis, Hedwygi de Odera, Ofcze Bertoldi de Poznowicz, necnon toti Conventui Sanctimonialium in Czarnowans seu Domusdei insolidum et indivisim de Sexcentum Sexaginta tribus marcis grossorum Octo scottis tribus denariis de omnibus et singulis bonis dicti monasterii de ipsarum mandato perceptis et consequenter de mandato voluntate pariter et consensu ipsarum monialium loco et tempore oportunis quibus decuit a die dominica Invocavit de Anno domini Millesimo cccmononagmoprimo usque ad diem mensis Suprascriptum de Sexcentum Septuaginta quatuor marcarum tredecim grossis tribus denariis per ipsum realiter distributis et solutis pro ipsis monialibus, laudabilem dignam iustam fecit et posuit racionem, ultra que percepta memorate virgines domino Nicolao prefato in decem marcis tribus fertonibus novem grossis remanserunt in solvendo, veluti in ipsarum virginum et fratris Nicolay predicti Registris clausulatim continetur, quam racionem ipse moniales predicte laudaverunt aprobaverunt atque ratam et gratam habuerunt, ac de ea eis solempniter facta atque posita ut premittitur benivole in solidum et quelibet earum steterunt contente, pronunciantes eundem fratrem Nicolaum plebanum in Aptaw de dictis Sexcentum Sexaginta tribus marcis grossorum Octo scotis tribus denariis, de omnibus et singulis fructibus redditibus et proventibus dicti ipsarum monasterii perceptis, Ac eciam de racione dictarum Sexcentum Septuaginta quatuor marcarum tredecim grossis tribus denariis distribucione earundem laudabiliter facta liberum quitum ab ipsis et omnium aliorum quorum interest presentibus pronunciaverunt et pactum de ulterius non poscendo aliquam pecuniam fecerunt. Super quibus omnibus et singulis prescriptis prefatus dominus Nicolaus a me notario publico infrascripto fieri sibi peciit hoc presens publicum Instrumentum. Acta sunt hec Anno Indiccione die mense pontificatu hora et loco quibus supra presentibus honorabilibus et discretis viris dominis Nicolao Custode, Nicolao Ticzkonis et Magistro Bernhardo Canonicis Ecclesie sancte Crucis Opoliensis, Johanne (de) Stynauia Cappellano monasterii, Nassinburgio herede in Lunak, Bartkone in Czulcz et Franczkone de maiore Mochebor Magistro coquine familiaribus Monasterii ad premissa vocatis specialiter in testes rogatis.
Signum notarii.
Et ego Petrus Schorgast olim Jesconis presbiter Wrat. dyoc. Publicus Imperiali auctoritate Notarius predicte Racioni aliisque omnibus et singulis premissis, dum sic ut premittitur fierent et agerentur, una cum prenominatis testibus presens fui eaque sic fieri vidi et audivi, occupatusque aliis negociis arduis, per alium fidelem scribi feci, et in hanc publicam formam redegi, signo et nomine meis solitis et consuetis consignando in fidem et testimonium omnium premissorum Rogatus et requisitus.

Aus dem Archiv von S. Vincenz.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 1, Urkunden des Klosters Czarnowanz. Hrsg von dr W. Wattenbach, Breslau 1857.